ye pal

pal mile hain ye jo pal
dil main inhe sanjoe le jayenge
honge hum kal kaheen viraanon mai
yahi pal yaadein ban jayenge

zindagi ke ye khushbu bhare pal
waapas shaayad mil hume na paayenge
kho jaayen jab ye kafila sailaabon mai
yahi pal saahil ban jayenge

masti bhare ye pyaare pal
jeena hume sikha chale jayenge
bane kabhie afsana hum yaaron ka
to yahi pal lafz ban jayenge

naye raaston mai naye humsafar
shaayad mil hume jayenge
paar yaaron ke sang guzara har ek pal
muskurahaat labon pe le aayenge......

keh na sakun

keh na sakun kaise ye pal zindagi badal dete hain
rishton ki gehraai ko andar tak tatol jaate hain
bade kifayaati seekh hume de jaate hain
kaise kahun kitna kuch ye pal hume samjha jaate hain

keh na sakun kaisi saachai ye pal dikha dete hain
paaon ke tale zameen maano hila jaate hain
khud pe hota hai jo gurur uski asliyat bayan kar jaate hain
kaise kahun kitna kuch ye pal hume sikha jaate hain

keh na sakun kaise sailaab wo pal dil mai umda dete hain
puri manahsthithi ko jhakjhod ke rakh jaate hain
apni takalluf ko nazarandaaz na karne ki baat seekha jaate hain
kaise kahun kitna kuch ye pal hume ehsaas kara jaate hain

keh na sakun kaise ye pal asli aukat bata dete hain
saar pe chaadhyaye rishton ka khoklapan bayan kar jaate hain
rishton mai kitni gehraai hai wo bhi dikha jaate hain
kaise kahun kitna kuch ye pal hume baata jaate hain

keh na sakun kitna dard ye pal hume de jaate hain
par khud ko badalne ka mauka bhi de jaate hain
bahut ankahee baatein ye pal bayan kar jaate hain
kaise kahun kitna kuch ye pal hume dikha jaate hain

wo boondein

WO BOONDEIN

chapchap taptap aawaz karti wo khapraail par
mil mil kar ek doosre se behti wo dhaar bankar
kehte jaise humse har pal wo ek kahani
wo boondein jaise waapas laate hain koi yaadein ruhaani...

pehli baar jab chalna seekha tha papa ki ungli pakad kar
koshish karta tha ki samet loon inko apni mutthi band kar
bheegke jab ghar aata tha mummy ki daant khake tha hasta
wo boondein jaise aaj waapas yaad dilate hain wahi daastan...

doston ke saath jab hum baarish mai the bheegte
keechad mai ek doosre ko the dhakelte
gande hone par ghaar mai padne waali daant se ghabraanah
wo boondein jaise aaj waapas suna jaate hain wahi afsaanah...

aaj bhi barasti hain aasmaan se wo boondein
par bheegne ke khayal se bhi udd jaati haai aaj neendein
kya wo pal waapas koi dila sakta hai hume
jab sirf maa ki daant hi darathi thi hume
wo boondein aaj bhi hume choona chaahte hain
par kya karen hum to aaj baade ho chuke hain.....